Lobar

Lobar (hata Indonesia: biawak; Inggeris: monitor lizard) ima ragam ni binatang ilik (kadal) ungkuranna dang pola balga namangolu di luat na mariklim milas dohot tropis songon Aprika, Asia, dohot Australia.^[1][2] Lobar na somal adong di angka huta-huta manang di kota-kota di Indonesia, masuk mai tu ragam ni lobar aek (biawak air) sian jenis Varanus salvator. Ganjang na (mulai sian igungna sahat tu ujung ni ihurna) 1 meter, adong museng na boi sahat 2,5 meter alai sada-sada.^[3]

Sada ragam ni lobar umbalgaan na tarbarita, ima komodo (Varanus komodoensis), alana ganjangna boi sahat tu 3 meter. Lobar (biawak) on, boi mamburu angka pinahan na asing ungkuran sedang, songon ursa (rusa), babi harangan (babi hutan), sipata anak ni horbo (kerbau). Songon Komodo, sipata olo mangalo manisia, tung pe sasahali. Lobar bahat mangolu di Indonesia, molo komodo somalna mangolu di Nusa Tenggara, songon di pulo Komodo, pulo Rinca, pulo Padar, dohot di pantai pastima,Plores.^[4]

1. ↑ LIPI et. al. 2010
2. ↑ Ed Yong. "Florida’s Dragon Problem", The Atlantic, 10 Juni 2021
3. ↑ Pianka, Eric R., King, Dennis. R, King, Ruth Allen. (2004) Varanoid Lizards of the World, Indiana University Press - Bloomington, Indiana, 10 Juni 2021
4. ↑ Cogger, H.G. Zweifel, R.G. Bauer, Aaron M. (1998) Encyclopedia of Reptiles and Amphibians, Academic Press - San Diego, alaman 157–159, ISBN: 0-12-178560-2, 10 Juni 2021